Friday, June 30, 2006

Time to Dream

This info. might be old to some of you. Following is a 2 minute movie made by M.Night Shyamalan, the famous thriller movie director (director of "The Sixth Sense", "Signs",....) for American Express card.

I was very happy to see him in this advertisement for an american product. :-)

The same movie & behind the scenes are available at American Express website.
Nayagan
Till now I have seen a few parts of Nayagan movie. Last week I got an oppurtunity to watch the entire movie. It was a perfect team work and worth watching it. I really enjoyed the movie a lot. Also I came to know that it is one of the few Indian movies to be listed in TIME magazine's ALL-TIME top 100 movies, issued in 2005. The article is here.
கண்ணைக் கொஞ்சம் திறந்தேன்...கண்களுக்குள் விழுந்தாய்....எனது இமைகளை மூடிக்கொண்டு, சின்னஞ்சிறு கண்களில் உன்னைச் சிறை எடுத்தேன்.

Monday, June 26, 2006

Recipe: பிறந்த நாளைக் கொண்டாடுவது எப்படி?

இன்று எங்கள் நண்பர் அரவிந்தின் பிறந்த நாள் மிக விமரிசையாகக் கொண்டாடினோம். இச்சம்பவம் இப்பதிவிற்கு மூல காரணம்.

நண்பரின் பிறந்த நாளை எப்படி கொண்டாடலாம் என தெரிந்து கொள்ள வாருங்கள்.

தேவையானப் பொருள்கள்:
1. பழுத்த தக்காளிகள் - சில
2. முட்டை - நபர் ஒன்றுக்கு, ஒன்று அல்லது இரண்டு (அழுகியதாக இருந்தால் மிக உகந்தது)
3. ஐஸ் கிரீம் - தேவையான அளவிற்கு
4. கேக்.

செய்முறை:
முதலில் பிறந்த நாள் கொண்டாட இருக்கும் நண்பரை கேக் வெட்டச் சொல்லவும். கேக் மேலே உள்ள கிரீமை ஓரமாகத் தள்ளி விட்டு, கேக்கை சாப்பிடவும். பிறகு கேக் கிரீமை முகத்தில் தடவவும். விளைவு?? Fair & Handsome கிரீம் போட்டது போல், நண்பர் பளபளப்பார். செர்ரி பழம் இருந்தால் அதை பொட்டு வைக்க உபயோகித்துக் கொள்ளலாம். ரோஸ் நிறத்தில் உள்ள கிரீமால் மீசை வரையலாம் ;-). "மணமகனே மருமகனே வா" போன்ற situation song பாடி பிரமாதப்படுத்தலாம்.

பிறகு தக்காளிகளை நண்பர் மீது பிழிந்து அவரைக் குளிப்பாற்றலாம். பிறந்த நாள் திருவிழாவின் உச்ச கால பூஜையை இப்போது நெருங்கி விட்டோம். முட்டையை இரண்டாகப் பிளந்து நண்பர் தலை மேல் ஆஃப் பாயில் அல்லது ஆம்லெட் போடலாம். இல்லையெனில், சொயீப் அக்தர் மாதிறி அதி வேகத்தில் எறிந்து முட்டையை சுக்குநூறாக்கலாம்.

இப்பொழுது நண்பர் அழாமல் அழுது கொண்டிருப்பார். அவரை குளிர்விக்கும் வகையில், மைக்ரோ ஓவனில் வைத்து கூழ்மமாக்கப்பட்ட ஐஸ் கிரீமை அவர் மேல் கொட்டி அவரை குளிர்விக்கலாம்.

இவ்வாறு எங்கள் நண்பர் நள்ளிரவு 12 மணிக்கு கவுரவிக்கப்பட்டார். நண்பர் நீடூழி வாழ என் வாழ்த்துக்கள்.

உடலுக்குள் எங்கே உயிருள்ளதென்பதும்.....உயிருக்குள் காதல் எங்குள்ளதென்பதும்.....நினைத்தால்...நினைத்தால்...அதிசயமே....

Tuesday, June 20, 2006

அர்ஜுனரு வில்லு, அரிச்சந்திரன் சொல்லு

நான் U.S வந்த புதுசுல கார் ஓட்ட பழகிக்கிட்டு இருந்தேன். கார் ஓட்டி என்ன பண்ணப்போற ? பக்கத்து ஊரில் இருக்கிற பில் கேட்ஸ பாக்கப்போறியா? அப்படியெல்லாம் சிறு புள்ளத்தனமா கேட்கப்படாது. இங்க அத்தியாவசிய தேவைகளில் காரும் ஒன்னு. நம்ம ஊரில் சைக்கிள் வச்சு இருக்கிற மாதிறி இங்க எல்லோரும் கார் வச்சு இருப்பாங்க. நகரத்தில் இருந்தா கார் இல்லாம ஒரளவுக்கு சமாளிக்கலாம். ஆனால் நகரத்தை விட்டு வெளியே இருந்தீங்கனா கஷ்டம் தான். அதனால வந்த இரண்டாவது நாளே கார்ல உட்கார்ந்து steering பிடிக்க ஆரம்பிச்சேன். சுமாராவும் வண்டிய ஓட்டினேன். JetLag கொஞ்சம் பாக்கி இருந்ததால அன்றைய தினம் பயிற்சியை சீக்கிரமா முடிச்சுக்கிட்டு வீட்டுக்கு போய் தூங்கிட்டேன்.

இரண்டு நாளுக்கு அப்புறம் மீண்டும் கார் ஓட்டலாம்னு சொல்லிட்டு கார எடுத்தேன். "அர்ஜுனரு வில்லு, அரிச்சந்திரன் சொல்லு...." பாட்ட full BASS-ல வச்சிக்கிட்டு, வண்டி ஜோரா நகர்ந்துச்சு. எந்த இடத்துல ஓட்டினேன் தெரியுமா? வேற எது, நம்ம ஆபிஸ் parking lot தான். parking lot-ல ஸ்பீட் லிமிட் 15மைல், ஆனால் நான் 25மைல் வேகத்துல வண்டிய விட்டேன். நாம நம்ம இந்திய மண்ணுல என்னைக்கு டிராபிக் ரூல்ஸ மதிச்சு இருக்கோம்? ரெட் சிக்னல் போட்டதுக்கு அப்புரமும் வண்டிய நிறுத்தாம போறதும், அப்படியே நிறுத்தினாலும் stop line-அ கிராஸ் பண்ணி நிறுத்துறதும் தானே நம்ம வழக்கம்.

பாட்டு நடுவில் "இவனொரு அதிசய புலி...." என்ற வரி இன்னும் என்ன நல்லா உசுப்பேத்தி விட்டுச்சு. ஒரு 10 நிமிஷத்துக்கு எந்த பிரச்சனையும் இல்லாம ஓட்டினேன். வலது பக்கமாகவும் இடது பக்கமாகவும் வண்டிய திருப்பி "8" போட்டுக்கிட்டு இருந்தேன். திடீர்னு ஒரு அதிர்வு. என்னனு பார்த்தா, வண்டி பிளாட்ஃபார்ம் மேல ஓடிக்கிட்டு இருக்கு. பயந்து போய் வேகமா பிரேக்க அமுக்கினேன். ஆனால் வண்டி எதிரில் இருந்த 10 அடி உயர மரத்தை பதம் பார்த்துட்டு தான் நின்னுச்சு. பிரேக் அமுக்கினீங்களே, ஏன் வண்டி நிக்கவில்லைனு நீங்க கேட்கலாம். நானும் அதே கேள்வியைத் தான் கேட்டேன். நான் அமுக்கினது பிரேக் இல்ல, ஆக்ஸலரேட்ர் :(.
நிமிர்ந்து நின்னுக்கிட்டு இருந்த அந்த மரம், சாய்ந்து போயுடுச்சு. ஆனா கீழே விழவில்லை. (இது ரொம்ப முக்கியம்). நான் பண்ண சேட்டை வீடியோ கேமராவில் கண்டிப்பா பதிவாயிருக்கும் என்ற பயத்துல எனக்கு car-o-phobia வந்துடுச்சு. அதுக்கப்புரம் ஒரு வாரத்துக்கு என்னால சரியா வேலை செய்ய முடியல. இப்போ கொஞ்சம் தெளிவா இருக்கேன்.

பிடித்த பாடல் வரிகள்:
பூவே உன் பாதத்தில் புஷ்பாஞ்சலி. பொன்னே உன் பெயருக்கு பொன்னாஞ்சலி. கண்ணே உன் குரலுக்கு கீதாஞ்சலி. கண் காணா அழகுக்கு கவிதாஞ்சலி.

Wednesday, June 14, 2006

Buisiness card CD

Have you ever seen CDs/DVDs in any shapes other than the regular Circular ones? Will you believe that CD versions of paper buisiness cards are available?

I am using a smaller CD which contains hardware drivers in my Lab as in the below picture. It simply sits in my wallet ;-)













Pic courtesy: http://www.cdigitalmarkets.com/busniess_card_plus.htm

Visit http://www.proactionmedia.com/shaped_cd_dvd.htm to see the different shapes of CDs available in the market.

Sunday, June 11, 2006

ஆசை

அலுவலக வேலைகளை அவசர அவசரமாக முடித்துக்கொண்டிருந்தான் கோபி. பன்னாட்டு மென்பொருள் நிறுவனத்தில் கணிப்பொறியாளராக பணியாற்றிக் கொண்டிருக்கும் இவன், தீபாவளிப் பண்டிகை விடுமுறையைப் பெற்றோர்களுடன் கொண்டாட இன்று இரவு அவனுடைய சொந்த ஊருக்குச் செல்கிறான்.

"Monday வந்துடுவ இல்ல?" என்றார் அவனது மேனேஜர்.

"வந்து தொலையறேன்" என மனதில் நினைத்துக் கொண்டு, "கண்டிப்பா ஸார்" என்றான் கோபி.

வாகன நெரிசலில் மீண்டு பேருந்து நிலையத்திற்க்கு வருவதற்குள் போதும் போதும் என ஆகிவிட்டது. பண்டிகை என்பதால் பேருந்து நிலையத்தில் மக்கள் கூட்டம் நிரம்பி வழிந்தது. மேலும் பண்டிகைக்காக கூடுதல் சிறப்பு பேருந்துகள் இயக்கப் படுவதால் அவன் பயணிக்க இருக்கும் பேருந்தைக் கண்டுபிடிக்க சிறிதே தாமதமானது.
"என்ன கூட்டம் டா" என முனுமுனுத்துக் கொண்டே முன்பதிவு செய்த இருக்கையில் வந்தமர்ந்தான். Meeting, Project மற்றும் மேனேஜர் தொல்லை இல்லாமல் மூன்று நாட்கள் நிம்மதியாக இருக்கலாம் என்பதை நினைத்துப் பெரு மூச்சு விட்டான்.
பேருந்து புறப்பட சற்று முன்பு.....

பயணி: பஸ் திருவண்ணாமலை போகுங்களா??
பே.நடத்துனர்: சீட் இல்ல பா....ஸ்டேன்டிங் தான்....
பயணி: பரவாயில்ல ஸார்
பே.நடத்துனர்: சரி ஏறு. வழியில நிக்காம உள்ள போ பா....
நாள் முழுவதும் வேலை செய்து களைப்பாக இருந்ததாலும், ஊருக்குச் செல்லவிருக்கும் குதூகலத்தினாலும் இந்த இரைச்சல்கள் அவனது செவிகளுக்கு பெரும் பொருட்டாய் தெரியவில்லை. இமைகள் மெல்ல மூடின. பேருந்தும் புறப்பட்டது, அரை மணி நேரம் தாமதமாக.
பேருந்து ஓட்டுநர் களைப்பாருவதற்காக (தேநீர் பருகுவதற்காக) அதிகாலை 2 மணியளவில் பேருந்து நிறுத்தப்பட்டது. பேருந்து நிறுத்தப்பட்ட சில மணித்துளிகளில் பேருந்தில் இருந்த ஒரு வயதுள்ள ஒரு குழந்தை அழ ஆரம்பித்தது. இரவு நேரத்தில் வேறு எந்த சத்தமும் இல்லாததால் இக்குழந்தையின் அழுகை பேருந்தில் உள்ள சிலரின் தூக்கத்தை எளிதாகக் களைத்தது. குழந்தையின் அழுகை கோபியின் தூக்கத்தையும் விட்டு வைக்கவில்லை.

"ரே..ரே..ரே..ரே......"
"என் கண்ணு இல்ல, என் ராஜாத்தி இல்ல,....."
இவ்வாறு குழந்தையின் அழுகையை நிறுத்த குழந்தையின் தாய் முயற்ச்சித்தாள். ஆனால் குழந்தையின் அழுகை நிற்பதற்கான ஒரு அறிகுறியும் தென்படவில்லை.
இவற்றை எல்லாம் கேட்டுக்கொண்டிருந்த கோபியின் மனதில் சில கேள்விகள் எழுந்தன. அவனை விட அதிகமாக நேசிக்கும் அவனது பெற்றோர்களைப் பிரிந்து முழு திருப்தியையும், சந்தோஷத்தையும் அளிக்காத இந்த வேலையை ஏன் செய்ய வேண்டும்? எந்தச் சுமையும், பொறுப்புகளும் இல்லாத குழந்தைப்பருவத்திற்கு மீண்டும் செல்ல முடியுமா?
பதினைந்து நிமிடத்திற்க்குப் பிறகு பேருந்து புறப்பட்டது. குழந்தையின் அழுகையும் நின்றது, இவனும் தூங்கினான்.

மூன்று நாட்களை சந்தோஷமாகக் கழித்து, மீண்டும் திரும்பினான் பணிக்கு. அதே விருப்பமில்லா முகத்துடன்.
பி.கு: பிழைகளுக்கு மன்னிக்கவும்.

Saturday, June 03, 2006

சென்னை செந்தமிழ்

தமிழுக்கும் அமுதென்று பேர்
அந்தத் தமிழின்பத் தமிழ் எங்கள் உயிருக்கு நேர்

- பாவேந்தர் பாரதிதாசனார்.

இந்தப் பாடலை எழுதியவர் எங்க ஊருக்காரருங்கோ.

எந்த மொழியிலும் இல்லாத 'ழ'கர ஓசை தமிழ் மொழிக்கே உரித்தானதுனு கேள்விப்பட்டிருக்கேன். ஆனா,அது எவ்வளவு தூரம் உண்மைனு எனக்கு தெரியாது.
தமிழ் பேசர பல பேருக்கு 'ழ' -வ சரியா உச்சரிக்க தெரியாது. 'மழை'க்கும், 'மலை'க்கும் வித்தியாசம் இல்லாம உச்சரிப்பாங்க. நான் நல்லாவே 'ழ' -வ உச்சரிப்பேன். இப்படி சந்தோஷமா இருந்த நான், என் நண்பர் அனுப்பின, link-அ திறந்து பார்த்து பயந்து போய்ட்டேன்.
நீங்களும் பாருங்க.
http://en.wikipedia.org/wiki/Madras_bashai

அதுல இருந்த வார்த்தைகள் எல்லாம் சென்னைல உபயோகத்துல இருக்காம். பல வார்த்தைகள நான் கேள்விப் பட்டதே இல்ல. சென்னை மக்களோட அந்நியோன்யமா பேச இந்த வார்த்தைகள் நல்லா உபயோகப்ப்டும் என்ற தேவைய உணர்ந்த நான், இந்த வார்த்தைகள கத்துகரத்துக்கு, 4 வரி நோட்டுப்புத்தகம் வாங்கி ஒவ்வொரு வார்த்தையையும் பத்து தடவ எழுதிப் பாக்கலாமா இல்ல VETA இங்கிலிஷ் டிரெய்னிங் சென்டர் மாதிரி, 'சென்னை செந்தமிழ்' கத்து கொடுக்கர இன்ஸ்டிடுட்ல சேர்ந்து படிக்கலாமானு தீவிரமா யோசிச்சிட்டு இருந்தேன்.

அப்படி யோசிச்சிட்டு இருக்கும் போது, நம்ம சிங்கக்குட்டி தனுஷ் நடிச்சு அண்மைல வெளி வந்த 'புதுப்பேட்டை' படம் பார்த்தேன். ஆஹா, என்ன அருமையா சென்னை செந்தமிழ் பேசராங்க. உங்களுக்கும் சென்னை செந்தமிழ் கத்துக்கனும்னா இந்த படத்த பாருங்கோ. ஆறு படமும் அப்டிதான்னு கேள்விப்பட்டேன்.

இப்போதைக்கு நான் அப்பீட்டு. அப்பாலைக்கா ரிப்பீட்டு. ;-)